Monday, January 16, 2012

ကုလသမဂ္ဂ အတွင်းရေးမှုးချုပ် ဦးသန့်၏ ဘ၀ပုံရိပ်

ဦးသန့်- လို့ဆိုလိုက်တာနဲ့ အလယ်တန်း ကမ္ဘာ့သမိုင်းဖတ်စာထဲက သင်ခန်းစာလေးတစ်ခုကို အမှတ်ရမိပါတယ်။  အဲ့ဒီအချိန်လောက်ကစပြီး ကမ္ဘာ့ကုလသမဂ္ဂဆိုတဲ့ အဖွဲ့အစည်းကြီးနဲ့ ကျွန်တော်တို့ စတင်မိတ်ဆက်ခွင့်ရခဲ့ကြပြီး ဒီလိုအဖွဲ့အစည်းကြီးရဲ့ အမြင့်ဆုံးနေရာကနေ တာဝန်တွေကိုထမ်းဆောင်ခဲ့လို့ ကျွန်တော်တို့မြန်မာနိုင်ငံအတွက် ဂုဏ်ပြုစံတင်ထားရလောက်တဲ့ “ဦးသန့်” ဆိုတဲ့အမည်နဲ့ ကျွမ်းဝင်ခဲ့ကြဖူးပါတယ်။ ဦးသန့်ရဲ့အကြောင်းကို သေသေချာချာ သိတဲ့သူတွေထဲမှာ လူငယ်ပိုင်းက အတော်ကို နည်းပါတယ်။ဒါကြောင့်...ဦးသန့်ရဲ့လေးစားအတုယူစရာ ကောင်းလောက်တဲ့ လုပ်ဆောင်ချက်တွေ၊ ဖြောင့်မတ်မှန်ကန်တဲ့ ဆုံးဖြတ်ချက်တွေ၊ ခေါင်းဆောင်ကောင်းတစ်ယောက်မှာ ရှိသင့်ရှိထိုက်တဲ့ အရည်ချင်းတွေ အပါဝင် အတ္ထုပ္ပတ္တိ အကျဉ်းကိုပါ ဖော်ပြလိုက်ပါတယ်။



                                  
                                                      









                                                     ငယ်စဉ်ဘဝ (Biography)


     ဦးသန့်ကို ဖခင်ဦးဖိုးနှစ်နဲ့ မိခင်ဒေါ်နန်းသောင်တို့က ၁၉၀၉ ခုနှစ် ဇန်နဝါရီလ ၂၂ရက်နေ့မှာ ဧရာဝတီတိုင်း ပန်းတနော်မြို့မှာမွေးဖွားခဲ့သည်။ ပန်းတနော်ဇာတိဖြစ်တဲ့အတွက် နောင်အခါမှာ ဦးသန့်ကို “ပန်းတနော်ဦးသန့်” လို့ခေါ်ခဲ့ကြသည်။ ဦးသန့်မိဘတွေသည်မြေပိုင်ရှင်၊ ဆန်ကုန်သည်တွေဖြစ်ကြပြီး၊ ဖခင်ဦးဖိုးနှစ်သည် ရန်ကုန်မြို့မှာ သူရိယသတင်းစာကို ထူထောင်ခဲ့သည်။ မြန်မာနိုင်ငံသုတေသနအသင်းကို တည်ထောင်ရာမှာလည်း အဖွဲ့ဝင်တစ်ယောက်အဖြစ် ပါဝင်ခဲ့သည်။ ဖခင်ကွယ်လွန်စဉ်တုန်းက ဦးသန့်သည် အသက်၁၄နှစ်သား သာရှိသေးသည်။ အမွေဆက်ခံမှု အရှုပ်အရှင်းတွေကြောင့် မိခင်ဒေါ်နန်းသောင်နဲ့ ကလေး၎ယောက်မှာ စီးပွားရေး အကြပ်အတည်း ပေါင်းများစွာနဲ့ ရင်ဆိုင်ခဲ့ရသည်။ 
    ဦးသန့်သည် ငယ်စဉ်က ပန်းတနော်အထက်တန်းကျောင်းမှာ ပညာသင်ကြားခဲ့ပြီး၊ ရန်ကုန်တက္ကသိုလ်တွင် သမိုင်းဘာသာရပ်ကို ဆက်၍သင်ယူခဲ့သည်။ ယင်းနောက် ပန်းတနော် အမျိုးသားကျောင်းမှာ ကျောင်းဆရာ စလုပ်ခဲ့ပြီး၊ အသက်၂၅နှစ်မှာ အဲ့ဒီကျောင်းရဲ့ ကျောင်းအုပ် ဖြစ်လာခဲ့ပါတယ်။  အဲ့ဒီအချိန်မှာ  မအူပင်မြို့မှာ နေထိုင်ပြီး ပညာအုပ်ဖြစ်တဲ့ (မြန်မာနိုင်ငံ ဝန်ကြီးချုပ်ဟောင်း)  ဦးနု နဲ့ ခင်မင်ရင်းနှီးခဲ့သည်။ ဦးသန့်သည် အင်္ဂလိပ်၊ မြန်မာ ၂ ဘာသာနဲ့ ထုတ်ဝေတဲ့ “ဂန္တလောက” မဂ္ဂဇင်းရဲ့ ဘာသာပြန်ပြိုင်ပွဲမှာ ၄ ကြိမ်တိုင်တိုင် ပထမဆုရရှိခဲ့သူ ဖြစ်သည်။ 
     ဦးသန့်၏ ပထမဆုံးစာမူမှာ အင်္ဂလိပ်လို ရေးသားထားသည့် စာမူဖြစ်ပြီး အသက် ၁၅နှစ်အရွယ်မှာ ပုံနှိပ်ဖော်ပြခံခဲ့ရသည်။ မြို့ပြပုံပြင်များ၊ နိုင်ငံပေါင်းချုပ် အသင်းကြီး ကျောင်းသုံးစာအုပ်၊ ဗမာသစ်နှင့် ပညာသစ်၊ ပြည်တော်သာခရီး (၃ အုပ်တွဲ) စတဲ့ စာအုပ်တွေကို ရေးသားခဲ့သလို နိုင်ငံရေးဝေဖန်ချက်၊ စာပေ ဝေဖန်ချက်တွေ အပါအဝင် ပညာရေး၊ လူမှုရေးဆိုင်ရာ ဆောင်းပါးတွေကို သီလဝ၊ မောင်သန့်၊ ဦးသန့် စသည့် ကလောင်ခွဲတွေနှင့် ရေးသားခဲ့သည်။ စာပေဝေဖန်ရေး နိုင်ငံရေးဝေဖန်ချက်တွေကို ရေးသားသည့် အခါ သူ့ရဲ့ အယူအဆတွေကို ပွင့်ပွင့် လင်းလင်း ရေးသားခဲ့သလို သူ့ရဲ့အတွေးအခေါ် အယူ အဆ တွေကလည်း ခေတ်မီတာကို တွေ့မြင်ရသည်။ 

                                              ပြည်သူ့ဝန်ထမ်းဘဝ

  လွတ်လပ်ရေးရခါစ မြန်မာနိုင်ငံမှာ ဦးနုဝန်ကြီးချုပ်ဖြစ်လာတဲ့အခါ ဦးသန့်ကိုရန်ကုန်ကိုခေါ်ပြီး ၁၉၄၈ခုနှစ်မှာ အသံလွှင့်ဌာန ညွှန်ကြားရေးမှူးအဖြစ် တာဝန်ပေးအပ်ခြင်းခံခဲ့ရသည်။ အဲ့ဒီနောက်  ၁၉၅၃ ခုနှစ်တွင် မြန်မာနိုင်ငံ သတင်းနဲ့ ပြန်ကြားရေးဌာနအတွင်းဝန် ဖြစ်လာခဲ့သည်။ 
  ၁၉၅၁ ခုနှစ်ကနေ ၁၉၅၇ ခုနှစ်အထိ ၀န်ကြိးချုပ်၏ အတွင်းရေးမှူးအဖြစ် တာဝန် ထမ်းဆောင်ခဲ့ပြီး ဦးနုအတွက် မိန့်ခွန်းတွေ ရေးသားပေးခြင်း၊ နိုင်ငံခြားခရီးစဉ်တွေ စီစဉ်ပေးခြင်း၊ နိုင်ငံခြား ဧည့်သည်တော်တွေကို လက်ခံတွေ့ဆုံပေးခြင်း- စသည့်ကိစ္စများကို ဆောင်ရွက်ပေးယင်း ဦးနု၏ ယုံကြည်မှုကို ရခဲ့သည်။ နိုင်ငံတကာ conference အများအပြားကိုတက်ရောက်ခဲ့ပြီး ၁၉၅၅ ခုနှစ်က အင်ဒိုနီးရှားနိုင်ငံ ဘန်ဒေါင်းမြို့မှာကျင်းပတဲ့ “ဘက်မလိုက်လှုပ်ရှားမှု” ကို မွေးဖွားပေးခဲ့တဲ့ ပထမအကြိမ် အာရှ-အာဖရိက နိုင်ငံများဆိုင်ရာ ညီလာခံမှာ အတွင်းရေးမှူး အဖြစ်ဆောင်ရွက်ခဲ့သည်။

 


          အမြဲတမ်း ဖြောင့်ဖြောင့်မှန်မှန်လုပ်တတ်ပြီး မှန်တယ်ထင်ရင် အလျှော့မပေးတတ်တဲ့ ဦးသန့်နဲ့ တိုင်းပြည်ခေါင်းဆောင် ဦးနုတုိ့ မသင့်မမြတ်ဖြစ်လာတာကနေစပြီး ၁၉၅၇ခုနှစ်မှာ ဦးသန့်ကို ကုလသမဂ္ဂဆိုင်ရာ မြန်မာသံအမတ်ကြီးအဖြစ်ခန့်အပ်လိုက်ပြီး New York ကိုစေလွှတ်ခဲ့သည်။ ၁၉၅၇ ခုနှစ်ကနေ ၁၉၆၁ ခုနှစ်အထိ ဦးသန့်သည် မြန်မာနိုင်ငံရဲ့ ကုလသမဂ္ဂ အမြဲတမ်းကိုယ်စားလှယ်အဖြစ် သာမက တစ်ချိန်တည်းမှာပဲ ယာယီ ကုလသမဂ္ဂအတွင်းရေးမှူးချုပ် တာဝန်ကိုပါ ပူးတွဲ ထမ်းဆောင်ခဲ့ရသည်။  ၁၉၆၀ ခုနှစ်မှာ မြန်မာအစိုးရက ဦးသန့်ကို “ပြည်ထောင်စု စည်သူ သင်္ဂဟ ပြန်တမ်း” အရ “မဟာ-သရေစည်သူဘွဲ့” နဲ့ ဗိုလ်ရာထူးကို ပေးအပ်ခဲ့သည်။

                        
    
         ဦးသန့်သည် ကုလသမဂ္ဂ အထွေထွေအတွင်းရေးမှူးချုပ် ရာထူးကို အာရှနိုင်ငံတွေထဲမှာ ပထမဦးဆုံး ရရှိခဲ့တဲ့သူဖြစ်သည်။ ၁၉၆၁ ခုနှစ် နိုဝင်ဘာလ ၃ ရက်နေ့က စတင်ပြီး အထွေထွေ အတွင်းရေးမှူးချုပ် ဒက်ဂ်ဟမ်းမားရှိုးလ်ဒ် (Dag Hammarskjold) ရဲ့ မကုန်ဆုံးသေးတဲ့ သက်တမ်းကို ဖြည့်ဆည်းဖို့ အထွေထွေ ညီလာခံမှာ လုံခြုံရေးကောင်စီရဲ့ ထောက်ခံချက်နဲ့ ယာယီ-အထွေထွေ အတွင်းရေးမှူးအဖြစ် ခန့်အပ်ခံရသည်။ ၁၉၆၂ ခုနှစ် ဒီဇင်ဘာ ၃၀ ရက်နေ့ အထွေထွေညီလာခံကနေ ကုလသမဂ္ဂ အထွေထွေအတွင်းရေးမှူးချုပ်အဖြစ် ၁၉၆၆ ခုနှစ် နိုဝင်ဘာ ၃ ရက်နေ့ သက်တမ်းအထိ ခန့်အပ်ခြင်း ခံခဲ့ရသည်။ သူ့၏ ပထမသက်တမ်းအတွင်းမှာ ဦးသန့်ဟာ ကျူးဘား ဒုံးပျံပြဿနာ (Cuban Missile Crisis) ကိုဖြေရှင်းရာမှာ ပါဝင်စ့စပ်ပေးပြီး ကွန်ဂိုပြည်တွင်းစစ်ကို ပြီးဆုံးအောင်ကိုင်တွယ်ဖြေရှင်း ပေးနိုင်ခဲ့သည်။ ယင်းအတွက်ကြောင့် ကမ္ဘာက အသိအမှတ်ပြုခြင်းကိုခံခဲ့ရသည်။ 

                                 

    ၁၉၆၆ ခုနှစ် ဒီဇင်ဘာ ၂ ရက်နေ့မှာ လုံခြုံရေးကောင်စီရဲ့ တညီတညွတ်တည်း ထောက်ခံမှုနဲ့ ကုလသမဂ္ဂအတွင်းရေးမှူးချုပ် ဒုတိယသက်တမ်းအဖြစ် သူ အငြိမ်စားယူမယ့် ၁၉၇၁ ခုနှစ် ဒီဇင်ဘာ ၃၁ ရက်နေ့အထိ ခန့်အပ်ခြင်းခံခဲ့ရသည်။ ဒုတိယသက်တမ်းအတွင်းမှာ ဦးသန့်သည် အလုပ်တွေအများကြီးလုပ်ခဲ့သည်။ အထူးသဖြင့် ကုလသမဂ္ဂအဖွဲ့အစည်းအတွင်းကို အာရှနဲ့ အာဖရိက နိုင်ငံတော်တော်များများ ဝင်ရောက်နိုင်ရေးကိစ္စ၊ တောင်အာဖရိက အသားအရောင်ခွဲခြားမှု ဆန့်ကျင်ရေးကိစ္စ၊ ၁၉၆၂ ခုနှစ်မှာ ယီမင်အရေးနဲ့ ၁၉၆၈ ခုနှစ်မှာ ဘာရိန်းအရေး ကိစ္စ၊ ၁၉၆၇ ခုနှစ်မှာ အာရပ်- အစ္စရေးခြောက်ရက်စစ်ပွဲ၊ ပရာ့ဂ်နွေဦးတော်လှန်ရေး (Prague Spring) နဲ့ ချက်ကိုစလို-ဗက်ကီးယားကို ဆိုဗီယက် ကျူးကျော်မှု အရေးအခင်း၊ ဗီယက်နမ်စစ်၊ ၁၉၇၁ ခုနှစ်က ဘင်္ဂလားဒေ့ရ်ှနိုင်ငံကို လွတ်လပ်ရေးရရှိစေမည့် အိန္ဒိယ - ပါကစ္စတန် စစ်ပွဲ စတာတွေကို အေးငြိမ်းအောင် ဖြေရှင်းပေးနိုင်ခဲ့သည်။ ၁၉၆၂ ခုနှစ် အမေရိကန် - ဆိုဗီယက် စစ်အေး တိုက်ပွဲမှာတုန်းက သမ္မတနှစ်ဦး အကြား ဦးသန့်က “တတိယ ဘာသာ စကားအသစ်” ကိုအသုံးချ၊ “တွေ့ဆုံ အဖြေရှာရေး”ကို အခြေခံပြီး စေ့စပ် ဆောင်ရွက်ပေးခဲ့သည့် အတွက် ဆိုဗီယက်တို့က ဒုံးကျည်စခန်းတွေကို ရုပ်သိမ်းသွားပြီး အမေရိကန်တွေက ကျူးဘားကို ပိတ်ဆို့မှုတွေကို ရုပ်သိမ်းပေးခဲ့သည်။


                                      
         ဒီအရေးအခင်း အားလုံးမှာ ငြိမ်းချမ်းရေးကို ထိပါးစေနိုင်သည့် အပြင် စစ်ဖြစ်ကြမယ့် အရိပ် လက္ခဏာတွေဖြစ်ပြီး၊ ဦးသန့်၏ လိမ္မာ ပါးနပ်စွာ ကြားဝင် စေ့စပ် ပေးမှု တို့ကြောင့်သာ စစ်ကို ရှောင်လွှဲနိုင်ခဲ့ခြင်း ဖြစ်သည်။ အောက်စဖို့ဒ် တက္ကသိုလ်က ၂ဝ-ရာစု၏ အထင်ကရ ပုဂ္ဂိုလ်များ အကြောင်း စုစည်း ထုတ်ဝေထားသည့် Who’s Who in the 20th Century စာအုပ်မှာ ဦးသန့်၏- အကြောင်း ပါဝင်ပြီး၊ နိုင်ငံတကာ အရေး အခင်းတွေကို မတုန်လှုပ်စေဘဲ တည်တည် ငြိမ်ငြိမ် ဖြေရှင်းနိုင်ခဲ့သူ ဖြစ်တယ်လို့ အတ္ထုပ္ပတ္တိ အကျဉ်းရဲ့ အစမှာ ဆိုထားသည်။

                                                 
     ဦးသန့်သည် UFO ယာဉ်ပျံတွေကိစ္စနဲ့ ပတ်သက်ပြီး စိတ်ဝင်တစားလေ့လာခဲ့သသည်။ ၁၉၆၇ ခုနှစ်မှာ အမေရိကန်လူမျိုး ရူပဗေဒပညာရှင် ဒေါက်တာ James E. McDonald ကို UFO နဲ့ပတ်သက်ပြီး ကုလသမဂ္ဂမှာ စကားပြောနိုင်ဖို့ စီစဉ်ပေးခဲ့သည်။ ၁၉၇၁ ခုနှစ် ဇန်နဝါရီ ၂၃ ရက်နေ့မှာတော့ ဦးသန့်က သူဟာ ဘယ်အကြောင်းပြချက်နဲ့မှ တတိယသက်တမ်း အထွေထွေ အတွင်းရေးမှူးချုပ်အဖြစ် ဆက်လက်လုပ်ကိုင်နိုင်တော့မှာ မဟုတ်ဘူးလို့ ပြတ်ပြတ်သားသား ပြောဆိုလိုက်သည်။  လုံခြုံရေးကောင်စီကလည်း ဦးသန့်နေရာမှာ ဆက်ခံမယ့်သူကို သီတင်းပတ်ပေါင်းများစွာ အပူတပြင်း လိုက်ရှာခဲ့သည်။ နောက်ဆုံး ကွတ်ရ်ထ် ဝါးလ်ဒ်ဟိုင်းမ် (Kurt Waldheim) ကို ရွေးချယ်လိုက်သည်။ ဦးသန့်က သူ့နောက်ဆုံး တာဝန်သက်တမ်းမကုန်ဆုံးမီ ၁၀ရက်အလိုမှာပဲ Kurt ကို တာဝန်ဝတ္တရားတွေအားလုံး လွှဲပြောင်းပေးခဲ့သည်။ ဦးသန့်အငြိမ်းစားယူသွားတာနဲ့ ပတ်သက်ပြီး New York Times သတင်းစာရဲ့ ၁၉၇၁ ခုနှစ် ဒီဇင်ဘာ ၂၇ ရက်နေ့ အယ်ဒီတာ့အာဘော်မှာလည်း The Liberation of U Thant ဆိုတဲ့ခေါင်းစဉ်နဲ့ တခမ်းတနား ဂုဏ်ပြုရေးသားဖော်ပြခဲ့သည်။ တာဝန်ထမ်းဆောင်နေစဉ် ကာလအတွင်းမှာ ဦးသန့်သည် Palisade နဲ့ Douglas Avenues လမ်းကြား၊ ၂၃၂ လမ်းအနီးမှာရှိတဲ့ ၄.၇၅ ဧကလောက်ကျယ်တဲ့ Riverdale, Bronx ခြံမှာ နေထိုင်ခဲ့သည်။

                                          နောက်ဆုံးနေ့ရက်နှင့် မိသားစု 
     

             ၁၉၇၄ ခုနှစ် နိုဝင်ဘာလ ၂၅ ရက်နေ့မှာ ဦးသန့်သည် အဆုတ်ကင်ဆာ ရောဂါနှင့် New York မှာပဲ ကွယ်လွန်ခဲ့သည်။ ဦးသန့်၏ ဆန္ဒအရ သူ့ရဲ့ရုပ်အလောင်းကို ရန်ကုန်သို့ ပြန်ပို့ပေးခဲ့ကြသည်။ ဒီဇင်ဘာလ ၅ ရက်နေ့ ဦးသန့်ရုပ်အလောင်းကို မြေမချခင် အများပြည်သူ နောက်ဆုံးဂါရဝ ပြုနိုင်ဖုိ့အတွက် ရန်ကုန်မြို့ ကျိုက္ကဆံကွင်းမှာ ပြသထားခဲ့သည်။ 

     ဒီဇင်ဘာလ (၅)ရက်၊ မွန်းလွဲ (၁)နာရီအချိန်တွင် ကြံတော သင်္ချိုင်းသို့ ပို့ဆောင် သင်္ဂြိုဟ် မည်ဖြစ်ကြောင်း အသိပေးကြေညာ ချက်နှင့် ပတ်သပ်ပြီး၊ နိုင်ငံ့ဂုဏ်ဆောင် ပုဂ္ဂိုလ်တစ်ဦးဖြစ်သူ ဦးသန့်၏ ရုပ်ကလာပ်အား နိုင်ငံတော် ဈာပနအဖြစ် သတ်မှတ်၍ အခမ်းအနားဖြင့် သင်္ဂြိုဟ်မည်ဟု မျှော်လင့်ထားသော ပြည်သူ လူထုသည် ယင်းကဲ့သို့ အသိပေးကြေညာချက်ကြောင့် မကျေမနပ် ဖြစ်ခဲ့ကြလေသည်။ 

  ၄င်းနောက် တက္ကသိုလ်ကျောင်းပေါင်းစုံမှ ကျောင်းသား ကျောင်းသူများသည် ဈာပနကော်မတီများ ဖွဲ့စည်းပြီး နောက်ဆုံး ဂါရ၀ပြုခြင်း၊ အသုဘ လိုက်လံပို့ဆောင်ရန် စီစဉ်ခြင်းများ ပြုလုပ်ကြလေသည်။ ထိုသို့ စီစဉ် ပြီးနောက် ကျိုက္ကဆံကွင်းသို့ သွားရောက်ရန် ကားများ သွားရောက် ငှားရမ်းရာတွင် ကျောင်းသား ကျောင်းသူများအား ကားများ ငှားရမ်း ပို့ဆောင်ခြင်းမပြုရန် သက်ဆိုင်ရာမှ ကြိုတင် ပိတ်ပင်ထားခဲ့ကြသည်။ ထို့ကြောင့် ကျောင်းသားများသည် ရန်ကုန်ဝိဇ္ဇာနှင့် သိပ္ပံတက္ကသိုလ်တွင် စုရပ်အဖြစ် စုံရုံး၍ ကျိုက္ကဆံကွင်းအား ခြေလျင်ချီတက်ရန် ဆုံးဖြတ်ခဲ့ကြသည်။ 
  ဒီဇင်ဘာလ(၅)ရက်နေ့တွင် စုရပ်အဖြစ် သတ်မှတ်ထားသော ရန်ကုန်ဝိဇ္ဇာနှင့် သိပ္ပံတက္ကသိုလ်သို့ တက္ကသိုလ်ကျောင်းပေါင်းစုံမှ တဖွဲဖွဲရောက်ရှိလာကြပြီး ရောက်ရှိလာသော ကျောင်းသားများအား အရင်ရောက်နှင့်ပြီးသော ကျောင်းသားများက လက်ခုပ် လက်ဝါးတီးကာ သောင်းသောင်းဖြဖြ ကြိုဆိုခဲ့ကြလေသည်။ 
       ယခုကဲ့သို့ ကျောင်းသားထုကြီး စုရုံးမိခြင်းသည် တော်လှန်ရေးကောင်စီ အစိုးရ၏ ၁၉၆၂ ခုနှစ် ဇူလိုင်လ (၇)နေ့တွင် မြန်မာပြည် လွတ်လပ်ရေး မော်ကွန်းဝင် ကျောင်းသားသမဂ္ဂ အဆောက်အအုံကို ဗုံးခွဲဖျက်ဆီးပြီး ရာပေါင်းများစွာသော ကျောင်းသားစုစည်းမှုကို လက်နက်အားကိုးဖြင့် ဖြိုခွဲ ဖျက်ဆီး သတ်ဖြတ်ခဲ့ပြီး နောင် ၁၂ နှစ်ကျော်ကာလ နောက်ပိုင်းတွင် ပထမဦးဆုံး အကြိမ် ပြန်လည်ပေါင်းစည်း စုရုံးမိသော နေ့တစ်နေ့ဖြစ်သည်။
         ကျောင်းသားနှင့် ပြည်သူတချို့က ဦးသန့် ရုပ်အလောင်းကို တသီးတသန့် မြှုပ်နှံဖို့ဆိုပြီး လုယူခဲ့ကြပြီး၊ ရန်ကုန်တက္ကသိုလ် ကျောင်းသားသမဂ္ဂ နေရာဟောင်းမှာ မြှုပ်နှံ သဂြိုလ်လိုက်ကြသည်။ ဒီဇင်ဘာလ ၅ ရက်နေ့ကနေ ၁၁ ရက်နေ့အတွင်း ကျောင်းသားတွေကပင် ယာယီဦးသန့်ဗိမ္မာန် ပြုလုပ်လိုက်ကြသည်။ အဲ့ဒီကစ၍ အဓိကရုဏ်းတွေ ဖြစ်ပွားခဲ့သည်။

           ဒီဇင်ဘာလ ၁၁ ရက်နေ့ မနက် လင်းအားကြီးချိန်မှာ အစိုးရက ကျောင်းဝင်းထဲ ဝင်ရောက်ပြီး ဦးသန့် ရုပ်အလောင်းကို ပြန်လည် ယူဆောင်သွားခဲ့သည်။ နောက်ဆုံး ဦးသန့် ရုပ်အလောင်းကို ရွှေတိဂုံ စေတီတော် ခြေတော်ရင်း ယခုလက်ရှိ နေရာတွင် မြှုပ်နှံပေးလိုက်သည်။ ထိုလူထု အုံကြွမှုသည် “ဦးသန့်အရေးအခင်း” ပင် ဖြစ်သည်။

   ဦးသန့်သည် ဒေါ်သိန်းတင်နဲ့ ထိမ်းမြားလက်ထပ်ခဲ့ပြီး သမီးတစ်ဦး (သား- ဖြစ်သူမှာ ဦးသန့် အတွင်းရေးမှုးအမှု့ထမ်းစဉ် သေဆုံးကြောင်း အချို့ မှတ်တမ်းများ ဖော်ပြသည်)၊ မြေး ၄ ဦးနှင့် မြစ် ၃ ဦး ထွန်းကားခဲ့သည်။ ဦးသန့်၏ တစ်ဦးတည်းသော မြေးယောက်ျားဖြစ်တဲ့ ဦးသန်းမြင့်ဟာ သမိုင်းပညာရှင် တစ်ယောက်ဖြစ်ပြီး၊ ကုလသမဂ္ဂ နိုင်ငံရေးဆိုင်ရာဌာနမှာ ဝါရင့် ဝန်ထမ်းတစ်းဦးဖြစ်သည်။ The River of Lost Footsteps စာအုပ်ကိုလည်း ဦးသန်းမြင့်က ရေးသား ထုတ်ဝေခဲ့သည်။
 
                   




 





  ဆက်လက် ဖော်ပြပါမည်....
                                       
     

Sunday, January 15, 2012

ဆရာရွှေဥဒေါင်း၏ ဘ၀ပုံရိပ်

          ဆရာ ရွှေဥဒေါင်း-၏ ငယ်မည်မှာ ဦးဖေသိန်းဖြစ်သည်။ ဖခင် ဦးဧရာ မိခင် ဒေါ်ရွှေတို့မှ ၁၈၈၉ ခုနှစ် အောက်တိုဘာ ၂၄ ရက်နေ့တွင် မန္တလေး၌ မွေးဖွားသည်။ ဘုန်းကြီးကျောင်းပညာရေး၊ သာသနာပြုကျောင်းစသည်တို့တွင် ပညာသင်ကြားခဲ့ပြီး၊ ကာလကတ္တား တက္ကသိုလ်ဝင်စာမေးပွဲကို အောင်မြင်ခဲ့သည်။ ဆရာသည် ကျောင်းဆရာ၊ စာရေးဆရာ၊ အယ်ဒီတာစသဖြင့် လောကဇာတ်ခုံတွင် ကျင်လည်ခဲ့သည်။ ၁၉၁၆ ခုနှစ်တွင် ၀တ္ထုစတင်ရေးခဲ့သည်။ ဆရာ ရွှေဥဒေါင်း ပထမဆုံးဝတ္ထုမှာ ရန်ကြီးအောင် ဖြစ်ပါသည်။  စာရင်းများအရ ၀တ္ထုရှည် ၁၄အုပ်ကို ဘာသာပြန်၍၊ ၀တ္ထုရှည် ၁၅ အုပ်ကို မှီငြမ်းပြုစုရေးသားခဲ့ပြီး၊ ၀တ္ထုတို အမြောက်အများကိုလည်း မှီငြမ်းရေးသားခဲ့သည်။ ဘာသာလည်ူပြန်ခဲ့သည်။
       ဆရာရွှေဥဒေါင်း၏ ၀တ္ထုအများစုမှာ ဘာသာပြန် အမှီပြုမှုများသည်ဟု ဆိုနိုင်သည်။ ပင်ကိုရေးဝတ္ထု ၅ပုဒ်နှင့် ဘာသာရေးဆိုင်ရာကျမ်း ၅ကျမ်း၊ အထွေထွေ ဗဟုသုတကျမ်း ၃ကျမ်း၊ ခရီးသွားမှတ်တမ်း ၁အုပ်၊ ကိုယ်တိုင်ရေး အတ္ထုပ၌တ္တိ ၂အုပ်ကို ရေးသားပြီး၊ ကျမ်းမာရေးနှင့် ကြီးပွားရေး စာအုပ်များကို ဘာသာပြန်ခဲ့သည်။ ဆရာသည် သတင်းစာခေါင်းကြီးပိုင်းနှင့် ဆောင်းပါးများကိုလည်း ရေးသားခဲ့သေးသည်။
ကမ္ဘာ့ငြိမ်းချမ်းရေး ကွန်ဂရက်တွင်မြန်မာနိုင်ငံကိုယ်စားပြုအဖြစ် တရုတ်နိုင်ငံ၊ ယခင် ဆိုဗီယက်ပြည်ထောင်စု သမ္မတနိုင်ငံများသို့ သွားရောက်ခဲ့သည်။ 
       ၁၉၅၂ ခုနှစ်တွင် မျှော်တလင့်လင့်ဖြင့် စာပေဗိမာန် ဘာသာပြန်ဆု၊ ၁၉၅၅ ခုနှစ်တွင် သွေးစုပ်မြေဖြင့် စာပေဗိမာန် ဘာသာပြန်ဆု၊ ၁၉၆၁ ခုနှစ်တွင် တစ်သက်တာမှတ်တမ်းနှင့် အတွေးအခေါ်များ စာပေဗိမာန် သုတပဒေသာဆုများ အသီးသီးရရှိခဲ့သည်။  ဆရာရွှေဥဒေါင်း၏ မောင်စံရှား ၀တ္ထုမှာ ပရိတ်သတ် စိတ်ဝင်စားမှု့အခံရဆုံး စုံထောက်ဝတ္ထုဖြစ်ခဲ့ပြီး အလွန်ကျော်ကြားခဲ့သည်။ ရူပနန္ဒိ၊ ရူပကလျာဏီ နှင့် ပထမံဆရာသိန်း အမှီးဝတ္ထုများသည်လည်း အလွန်ထင်ရှားခဲ့သည်။ ဆရာရွှေဥဒေါင်း ၁၉၇၃ သြဂုတ်လ ၁၀ ရက်နေ့တွင် ကွယ်လွန်ခဲ့ပါသည်။

Thursday, January 12, 2012

ဆရာဇော်ဂျီ၏ ဘ၀ပုံရိပ်

           ဆရာဇော်ဂျီ ကို ၁၉၀၇ တွင် မွေးဖွားခဲ့ပြီး၊ ၁၉၉၀ တွင်  ကွယ်လွန်ခဲ့သည်။  ဆရာဇော်ဂျီသည် ပင်ကို ရေးသားဖွဲ့နွဲ့ ပြုစုမှုနှင့် ဘာသာ ပြန်ဆိုမှုအဖြစ် ၀တ္ထုတို၊ ပြဇာတ်၊ ကဗျာ၊ စာတမ်းငယ်၊ ရသ ဒဿနနှင့် သမိုင်းဆိုင်ရာ ဆောင်းပါး စသည့် စာပေလက်ရာ မျိုးစုံကို ပြုစုခဲ့သည်။ 
        ကွယ်လွန်ချိန် အထိ ကဗျာ ပုဒ်ရေပေါင်း ၂၃၀ ခန့် ၀တ္ထုတို ၄၆ ပုဒ်၊ ပြဇာတ် ၈ ပုဒ်၊ စာတမ်းနှင့် ဆောင်းပါး ပုဒ်ရေပေါင်း ၃၀၀ ခန့်ကို ရေးသား ပြုစု နိုင်ခဲ့ပြီး လုံးချင်း စာအုပ်ပေါင်း ၄၁ အုပ်ရှိသည်ဟု စာပေ သုတေသီတို့က မှတ်တမ်း တင်ထားကြပါသည်။ 
              ဆရာဇော်ဂျီ ဖန်တီးသော စာပေ လက်ရာများသည် အလွမ်း၊ အဆွေး၊  အတွေး၊ သံဝေဂ၊ သင်ခန်းစာ စသည့် ရသများကို ပေးနိုင်စွမ်းသည့်ပြင် နိုင်ငံနှင့် ပြည်သူကိုလည်း တစ်ဖက် တစ်လမ်းမှ အကျိုးပြုသည့် စာပေလက်ရာများ ဖြစ်ကြပါသည်။ ဆရာဇော်ဂျီ၏ စာပေလက်ရာ ဖန်တီးမှုများကို အရင်းခံပြီး မြန်မာစာပေ လောကတွင် စာရေးဆရာ၊ ဘာသာပြန် ဆရာ၊ ကဗျာစာဆို-စသဖြင့် အမျိုးမျိုး ဂုဏ်တင် မော်ကွန်း ထိုးပေးကြသည်။
      ဆရာဇော်ဂျီသည် ဧရာဝတီတိုင်း ဖျာပုံမြို့တွင် ဘုန်းတော်ကြီးကျောင်း၊ မြန်မာကျောင်းနှင့် အင်္ဂလိပ်မြန်မာ အထက်တန်းကျောင်း တို့၌ ပညာ သင်ယူခဲ့ရာ ၁၉၁၉ ခုနှစ်တွင် သတ္တမတန်း အောင်မြင်ခဲ့သည်။ ထို့နောက် ဖျာပုံ အမျိုးသား အထက်တန်းကျောင်း၊ ရန်ကုန် အမျိုးသား အထက်တန်း ကျောင်းနှင့် ရန်ကုန်မြို့မ အမျိုးသားကျောင်းတို့တွင် ဆက်လက်ပညာ သင်ယူခဲ့ရာ ၁၉၂၄ ခုနှစ်တွင် ၁၁ ဆင့်တန်း အောင်မြင်ပြီး ရန်ကုန် တက္ကသိုလ်သို့ တက်ရောက်ခဲ့သည်။ ၁၉၂၉ ခုနှစ်တွင် ၀ိဇ္ဇာဘွဲ့နှင့် ၁၉၃၆ ခုနှစ်တွင် မဟာဝိဇ္ဇာဘွဲ့တို့ ရခဲ့ပြီးလျှင် ၁၉၄၀ ပြည့်နှစ်တွင် လန်ဒန် နှင့် ဒဗ္ဗလင် တက္ကသိုလ်တို့မှ စာကြည့် တိုက် ပညာဒီပလိုမာ ရရှိခဲ့သည်။ ဆရာ ဇော်ဂျီသည် အမည်ရင်း ဦးသိန်းဟန် အဖြစ် ၁၉၃၀ ပြည့်နှစ်မှ ၁၉၈၁ ခုနှစ် အထိ ရန်ကုန်တက္ကသိုလ် မြန်မာစာ နည်းပြဆရာ လုပ်ခဲ့ပြီးနောက် ရန်ကုန်မြို့မ အမျိုးသား အထက်တန်းကျောင်း အထက်တန်းပြဆရာ၊ မန္တလေး-ဥပစာကောလိပ် မြန်မာ စာနည်းပြဆရာ၊ ရန်ကုန် တက္ကသိုလ် စာကြည့်တိုက်မှူး အဖြစ်တာဝန်ထမ်းဆောင်ခဲ့သည်။
             ဒီအပြင် ပညာရေး ၀န်ကြီး ဌာန ဒုတိယ ညွှန်ကြားရေးဝန် (စာပေနှင့် စာကြည့်တိုက်)၊ တိုင်းပြု -ပြည်ပြု လွှတ်တော်ရုံးနှင့် ရွေးကောက်ပွဲကော်မရှင်ရုံး အထူးအရာရှိ၊ ပညာရေး- ၀န်ကြီးဌာန ကျောင်းသုံးစာအုပ်ပြုစုထုတ်ဝေရေး ညွှန်ကြားရေးဝန်၊ မြန်မာနိုင်ငံသမိုင်း ကော်မရှင်ဥက္ကဋ္ဌ၊ ဂုဏ်ထူးဆောင် မြန်မာစာပါမောက္ခ၊ နိုင်ငံသမိုင်းသုတေသန ဦးစီးဌာန ညွှန်ကြားရေးဝန်၊ ပညာရေး ၀န်ကြီးဌာန အထူးအရာရှိ(၁)၊ နိုင်ငံ သမိုင်းသုတေသနဦးစီးဌာန အကြံပေးပုဂိ်္ဂုလ်၊ ပညာရပ်ဝေါဟာရက်ာမတီ ဥက္ကဋ္ဌ၊ အမျိုးသားစာပေဆု ရွေးချယ်ရေးကော်မတီ ဥက္ကဋ္ဌ၊ မြန်မာနိုင်ငံသုတေသန အသင်းဥက္ကဋ္ဌစသည့် နိုင်ငံတော်၏ တာဝန်အရပ်ရပ်ကို ထမ်းဆောင်ပြီး အငြိမ်းစား ယူခဲ့သည့် ဆရာဇော်ဂျီသည် များပြားလှသော နိုင်ငံတော် တာဝန် အရပ်ရပ်ကို ထမ်းဆောင်ရင်းမှ စာကောင်း ပေမွန်တို့ကို ဖန်တီးခဲ့သည်ဟု ဆိုရပါမည်။ 
                ၁၉၂၄ ခုနှစ်တွင် သစ္စာဝါဒီ သတင်းစာမှ အင်္ဂလိပ် ကဗျာဆရာ Henry Wotton ၏ The Character of Happy Life ကဗျာကို ဘာသာပြန်ပွဲ ကျင်းပလျှင် ပါဝင် ယှဉ်ပြိုင်ရာ၌ သစ္စာ ၀ါဒီဆု (ရွှေဒင်္ဂါးငါးပြား) ရခဲ့သည်။ ဆရာဇော်ဂျီသည် အသက် ၁၇ နှစ်ခန့် မြို့မ အထက်တန်း ကျောင်းသား ဘ၀ကပင် သူရိယနှင့် ၀ံသယုဝ မဂ္ဂဇင်းတို့၌ ကဗျာများ စတင် ရေးသားခဲ့ရာ၌ သစ္စာ ၀ါဒီဆုအတွက် စိတ္တသုခ လင်္ကာဟု အမည်ပေး ပြိုင်ပွဲဝင်ခဲ့သည်။ 
           ၁၉၂၈ ခုနှစ်တွင် ဥပစာတန်းကို မြန်မာစာ အမှတ် အများဆုံး ရရှိ အောင်မြင်ခဲ့၍ သာဒိုးအောင်ဆု ရရှိခဲ့သည့်ပြင် မြန်မာစာပေ သမိုင်းတွင် ပထမဦးဆုံး ခေတ်စမ်း ကဗျာအဖြစ် သတ်မှတ်ကြ သည့်ပိတောက်ပန်း ကဗျာကို ဟံသာ ကြေးမုံ စာစောင်နှင့် တက္ကသိုလ်ကျောင်း တိုက်မဂ္ဂဇင်းတို့တွင် ဖော်ပြခံရသည်။ 
  ၁၉၃၄ ခုနှစ်တွင် ဆရာကြီး ဦးဖေမောင်တင် တည်းဖြတ်သည့် ရန်ကုန် တက္ကသိုလ် ကျောင်းသား၊ ကျောင်းသူ ၈ ဦး၏ ခေတ်စမ်း ကဗျာများ ပထမတွဲကို ကဗျာ ၇၈ ပုဒ်ဖြင့် ထုတ်ဝေခဲ့ရာ ဆရာဇော်ဂျီ ဖြစ်လာမည့် မောင်သိန်းဟန် တစ်ဦးတည်းက ၂၄ ပုဒ် အများဆုံး ပါဝင် ရေးသား နိုင်ခဲ့သည်။ ထို့ကြောင့် ဆရာဇော်ဂျီသည် ခေတ်စမ်း ကဗျာခေတ်ဦးတွင် ခေတ်စမ်းကဗျာကို အစောဆုံးနှင့် အများဆုံး ရေးသားနိုင်ခဲ့ သည်ဟု ဆိုနိုင်သည်။ 
       နိုင်ငံတော်မှ ဆရာဇော်ဂျီအား စာကောင်းပေမွန်များ ဖန်တီးမှု အတွက် ၁၉၅၅ခုနှစ်တွင် သခင်ကိုယ်တော် မှိုင်းဋီကာ စာအုပ်ဖြင့် စာပေဗိမာန် (စာပဒေသာ) ဆု၊ ၁၉၇၉ ခုနှစ်တွင် နင်လားဟဲ့ ချစ်ဒုက္ခနှင့် အခြား ၀တ္ထုတို များ ဖြင့် အမျိုးသားစာပေ(ဘာသာပြန်) ဆု၊ ၁၉၈၇ ခုနှစ်တွင် ရှေးခေတ်ပုဂံ ကဗျာများနှင့် အခြား ကဗျာများ ဖြင့် အမျိုးသားစာပေ (ကဗျာ) ဆုတို့ ချီးမြှင့် ခံခဲ့ရပြီး နိုင်ငံ တာဝန်နှင့် စာပေတာဝန် တို့ကို ထူးချွန် ပြောင်မြောက်စွာ ထမ်းဆောင်မှုဖြင့် ၁၉၄၈ ခုနှစ်တွင် ၀ဏ္ဏ ကျော်ထင်ဘွဲ့နှင့် ၁၉၆၁ ခုနှစ်တွင် သီရိပျံချီ ဘွဲ့တံဆိပ်တို့ကိုလည်း ချီးမြှင့် ခံခဲ့ရသည်။ 
                   ဆရာ ဇော်ဂျီသည် ၁၉၂၄ ခုနှစ် ၁၇ နှစ်သားအရွယ်တွင် စိတ္တသုခ လင်္ကာ အပါအ၀င် စာနယ်ဇင်း ကဗျာများမှ စတင်၍ ၁၉၈၇ ခုနှစ် အသက် ၈၀ နှစ် အရွယ်တွင် ကမ္ဘာ့ ဖခင်များနေ့ကဗျာ (လုံမလေး မဂ္ဂဇင်း ၁၉၈၇ ဇွန်)အထိ တစ်သက်တာလုံး ကဗျာများကို အစဉ်တစိုက် ဖန်တီးခဲ့မှု၊ ဖန်တီးရာ၌လည်း ကဗျာကောင်း ကဗျာမွန်များဖြစ်မှု၊ မြန်မာ ကဗျာဖွံ့ဖြိုး တိုးတက်ရေးတွင် ကြိုးပမ်း အားထုတ်ကြံဆမှု စသည်တို့ကြောင့် အချို့က ဆရာ ဇော်ဂျီ၏ စွမ်းဆောင်ချက်နှင့် ဖန်တီးမှုများ အနက် ကဗျာ စာဆိုနှင့် အမျိုးသား ကဗျာဆရာ အဖြစ်ကို ပိုမိုအာရုံ ၀င်စားကြသည်။ 
         ဆရာဇော်ဂျီ ဖန်တီး ဖွဲ့နွဲ့ခဲ့သည့် ကဗျာ ၂၃၀ ပုဒ်ခန့်ကို ဆရာဇော်ဂျီ ကိုယ်တိုင်အစု ၅ စု ပိုင်းခြားပြီး အုပ်စု ဖွဲ့ပေးခဲ့သည်။ ထို ၅ စုမှာ ၁၉၂၄ ခုနှစ်မှ ၁၉၂၈ ခုနှစ်အတွင်း တေးထပ်၊ ရှစ်ဆယ်ပေါ် တေးထပ်၊ လေးဆစ်၊ စည် တော်သံ၊ ရတုပိုဒ်စုံ၊ တြိချိုး၊ လေးချိုး၊ ညည်းချင်းနှင့် စာထောင့်လေးချိုး စသည့် ဂန္ထ၀င် ပုံသဏ္ဌာန် ဖွဲ့နွဲ့ထားသည့် ရှေ့ပြေးကဗျာစု၊ ၁၉၂၈ ခုနှစ်တွင် ရှေ့ပြေးကဗျာစုနှင့် အကြောင်းအရာနှင့် ပုံသဏ္ဌာန်ပါ ခြားနားသည့် ခေတ်စမ်း ကဗျာများကို စုစည်းထားသော ပိတောက်ရွှေဝါ ကဗျာစု၊ ကဗျာဖွဲ့နွဲ့ သူ၏ ဘ၀အမြင် ဒဿနနှင့် စေတနာကို ထင် ဟပ်သော ဗေဒါလမ်း ကဗျာစု၊ အနာဂတ် ကို ပိုင်စိုးကြမည့် မျိုးဆက်သစ်များ အတွက် အတိတ် ဖြစ်စဉ်များကို သုံးသပ် ဆင်ခြင်ကြရေးနှင့် လွတ်လပ်ရေ ထိန်း သိမ်းရေးနှင့် တိုင်းရင်းသား စည်းလုံး ညီညွတ်ရေး အတွက် အသိနှင့် သတိ ပေးထားသည့် ညီသစ်ဆင်း ကဗျာစုနှင့် အမျိုးသား ယဉ်ကျေးမှု ထိန်းသိမ်းရေး နိုင်ငံဖွံ့ဖြိုး တိုးတက်ရေး၊ ဇာတိမာန် ထက်သန်ရေးနှင့် အေးချမ်း သာယာရေးတို့ အတွက် လှုံ့ဆော်သည့် ပုဂံ- ကဗျာစု တို့ဖြစ်ကြသည်။
      ဆရာဇော်ဂျီသည်မြစ်ဝကျွန်းပေါ်ဒေသ ဖျာပုံဇာတိဖြစ်၍ မြစ်များ၊ ချောင်းများ၊ မြောင်းများ၏ ရေစီးဆင်းမှု၊ စီးဆင်းနေသော ရေတွင် ဗေဒါပင်နှင့် ဗေဒါပန်းများ၊ အုန်းလက်များ၊ သစ် ကိုင်းသစ်ခက်များ မျောပါမှု၊ အချိန်အခါ အရ ထိုစီးဆင်းနေသော ရေတွင် ဒီရေ အတက်အကျ ဖြစ်မှု၊ ထိုရေအလျဉ်၌ ဘဲအုပ်များနှင့် ငါးပျံများ အပါအ၀င် ရေသတ္တ၀ါများ ကျက်စားမှု၊ လတာပြင်၊ လမုပင်၊ ဓနိပင်၊ ကျူပင်၊ ဘုတ်ငှက် စသည့် မြစ်ဝကျွန်းပေါ်၏ သင်္ကေတများ ဖြစ်တည်မှုတို့ကို နေ့စဉ်နှင့် အမျှ တွေ့မြင်ခဲ့ရသည်။ 
      ထိုတွေ့မြင်ရသမျှ မြင်ကွင်းများသည် ဆရာ ဇော်ဂျီ၏ ဦးနှောက်နှင့် နှလုံးသားတွင် စွဲငြိ နေခဲ့သည်။  ကဗျာဆရာ တက္ကသိုလ် မင်းမော်က- ဗေဒါလမ်း ကဗျာများ၏ ဇာစ်မြစ် ဗီဇကို ကြည့်လိုက်သည့် အခါ ၁၉၃၀ ၀န်းကျင်လောက်က စခဲ့သည်။ ဆရာ့ အဆိုအရ ပထမဆုံး ဗေဒါလမ်း ကဗျာမှာ “Wend the way Beda, Wend the way...” အစချီသော အင်္ဂလိပ် ဘာသာဖြင့် ရေးခဲ့သော ကဗျာဖြစ်ကြောင်း သိရပါသည်။ 
     ထိုကဗျာ၏ နောက် ဗေဒါ အကြောင်း ဆက်မစပ်ဘဲ ၁၉၃၆ ခု ၀န်းကျင်လောက်ရောက်မှ ဗေဒါလမ်း ကဗျာကို မြန်မာလိုစတင်၍ စပ်ခဲ့ပါ သည်။ စပ်စဉ်က “ဗေဒါပန်း” ဟု ကဗျာကို အမည်ပေးခဲ့သည်။ xxx ထိုဗေဒါပန်း ကဗျာကို ရေးပြီး နောက်ရပ်တန်ံနေခဲ့သည်။ ထိုနောက် ၁၉၅၇ ခုနှစ်လောက်မှ ပြန်၍ ဆက်ရေးခဲ့သည်။ ၁၉၃၆ ခု ၀န်းကျင်က ရေးခဲ့သော ဗေဒါလမ်း ကဗျာ အပါအ၀င် ၁၉၅၇ ခုနှစ်တွင် ဗေဒါလမ်း ကဗျာ ကိုးပုဒ်ဖြစ်ပေါ်ခဲ့သည်။ ထို့နောက်မှ ဗေဒါလမ်း ကဗျာကို အမှတ် ၄၁ အထိ ဖြည်းဖြည်းချင်းရေးခဲ့ရာ ၁၉၇၁ နောက်ပိုင်းရောက်မှ ရပ်လိုက်သည်။ xxx ထို့ကြောင့် ဗေဒါလမ်း ကဗျာ၏ သမိုင်းကြောင်းကို ကြည့်လိုက်လျှင် ၁၉၃၀ မှ ၁၉၇၁ ခုနှစ်အတွင်း နှစ်ပေါင်း ၄၀ ကျော် ကြာခဲ့ကြောင်း တွေ့ရပါသည်။ 
         ဆရာဇော်ဂျီ၏ ဗေဒါလမ်း ကဗျာများနှင့် စပ်လျဉ်း၍ စာရေးဆရာကြီး ပါရဂူ-က  အနုပညာ ဖန်တီးရာ၌ အတွေး အခေါ် သို့မဟုတ် စိတ်ကူး သို့မဟုတ် ဒဿနသည် အနုပညာ၏ အသက်ဖြစ်သည်။ အတွေးအခေါ် သို့မဟုတ် စိတ်ကူး သို့မဟုတ် ဒဿန မပါသော အနုပညာသည် ဆားမပါသော ဟင်းကဲ့သို့ ပေါ့ပြက်ပြက် ဖြစ်နေတတ်သည်။
       ဆရာ ဇော်ဂျီ၏ ကဗျာ၌ အတွေး ပါသည်။ စိတ်ကူးပါသည်။ ဒဿန ပါသည်။ ဘ၀ ဒဿနပါသည်။ အိနိ်္ဒယ ကဗျာဆရာကြီး တဂိုးသည် ကဗျာ ဖွဲ့သည် အခါ တိုက်ရိုက် အဓိပ္ပာယ် ထွက်သော ကဗျာမျိုးကို ဖွဲ့ရိုးဖွဲ့လေ့ မရှိ ပေ။ သင်္ကေတ သဘောဆောင်သော၊ နေယျတ္တ သဘောဆောင်သော၊ တစ်မျိုး တစ်ဖုံကြံဆ၍ သိရသော၊ တိုက်ရိုက် အဓိပ္ပာယ်၏ နောက်ကွယ်၌ ကွယ်ဝှက် နေသည့် အဓိပ္ပာယ် တစ်မျိုးကို ညွှန်ပြသော ကဗျာ အဖွဲ့မျိုးကိုသာ များသော အားဖြင့် ဖွဲ့ဆိုလေ့ ရှိလေသည်။ ဆရာ ဇော်ဂျီလည်း ထိုနည်း အတိုင်းပင်။ သူ၏ ဗေဒါလမ်း ကဗျာသည် ကဗျာ အဖွဲ့တွင် ရှေ့တန်းသရုပ် ဖော်ဝတ္ထုမျှသာ ဖြစ်သည်။ သင်္ကေတ မျှသာ ဖြစ်သည်။ ကဗျာဆရာ ညွှန်းလိုသည့် အရာမှာ ကဗျာအဖွဲ့၌ ရှိနေသော လောကဓံလှိုင်း အပုတ် ခံနေရသည့် မနုဿ လူသားဖြစ်သည်။ ဗေဒါလမ်း ကဗျာကို ဝေဖန်သူ အချို့ရှိသည်။ ထိုပုဂိ်္ဂုလ်များသည် ဗေဒါလမ်း ကဗျာကို လက်တစ်ဆုံး အတွင်းနှိုက်၍ မကြည့် ကြသောကြောင့်၊ အပေါ်ယံ၌သာ လမ်းဆုံး နေကြသောကြောင့်၊ သင်္ကေတဖြစ်သော ဗေဒါပင်က ကျော်လွန်ပြီးရှေ့တိုး မသွားကြသောကြောင့် ယင်းကဲ့သို့ ဝေဖန်ကြခြင်း ဖြစ်ပေလိမ့်မည်။
        ဆရာမြသန်းတင့်က ပိတောက်ပန်းသို့ ဂုဏ်ပြုခြင်း ဆောင်းပါး( ၁၉၉၇-၉၈) တွင်- ဆရာဇော်ဂျီရဲ့ ကဗျာဟာ တစ်လောကလုံးနဲ့ သက်ဆိုင်ပါတယ်။ လူတစ်ယောက်ရဲ့ ပုဂ္ဂလိက ခံစားမှုသက် သက်မဟုတ်ပါဘူး။ ကြည့်လိုက်ရင် ပုဂ္ဂလိက ဆန်သလို ထင်ရပေမယ့် ဒိဋ္ဌဓမ္မ တရား ဖြစ်နေပါတယ်။ သီးခြားဆန်သလို ထင်ရပေမယ့် ယေဘုယျ သဘောကို ဆောင်နေပါတယ်။ အစိတ်အပိုင်း လေးတစ်ခုလို့ ထင်ရပေမယ့် တစ်ခုလုံးဖြစ်နေပါတယ်။ ဒီသဘောကို ဗေဒါလမ်း ကဗျာတွေထဲမှာ အများကြီး တွေ့နိုင်ပါတယ်။ ဗေဒါလမ်းဟာ ဘ၀ကို ပြောတာ၊ လောကဓံကို ပြောတာ၊ အတက် အကျကို ပြောတာ၊ အားမာန်ကို ပြောတာ စသဖြင့် ဋီကာဆရာတွေ အမျိုးမျိုး အနက် ဖွင့်နိုင်ပါတယ် ဟု ရှုမြင်သုံးသပ် ပြခဲ့သည်။
          ဆရာမ ခင်ဆွေဦး က- ဆရာ၏ ဗေဒါလမ်းကို အကြိမ်ကြိမ် ဖတ်လျှင်တော့ ကျွန်မ ရေးသော စာများအတွက် အားမလို အားမရ ဖြစ်မိတာ အမှန်ပင်။ ဆရာ၏ Universal Thought လူအများစုနှင့် သက်ဆိုင်သော အတွေးကို လက်လှမ်း မမီတမီ စဉ်းစား-စပြုလာသည်။ ဆရာ၏ ဗေဒါမသည် ဗေဒါမ စစ်စစ်မဟုတ်ပေ။ ဘဲအုပ်-တစ်ရာနှစ်ရာ အကန်ခံရသော မိန်းကလေးလား။ လောကဓံ၏ ပြင်းထန်သော ဒဏ်ကို ရုန်းရကန်ရသော မိန်းကလေးလား။ ဗေဒါမသည် လူသား အားလုံးနှင့် သက်ဆိုင်သည်။ အဖိအနှိပ် အထုထောင်း ခံရသော လူတွေအားလုံး ဗေဒါမပဲ မဟုတ်ပါလား။ စကြ၀ဠာတစ်ခွင် လောကတွင် ရှိသမျှ ဒုက္ခသားတွေ၏ ဆရာ၏ Image နိမိတ်ပုံတွေသည် လှပါပေ သည်။ “စုန်ပြန်ရ အဖန်ဖန်၊ ဆန်ပြန် ရတလဲလဲ၊ မဗေဒါ ဒီရေကြောမှာ မျောလျက်သာပဲ” နှင့် “ဗေဒါပျံ အံကိုခဲ ပန်း ပန်လျက်ပဲ” ဟု အဆုံးသတ်၍ အား နက်စ်ဟာ မင်းဝေး၏ ပင်လယ်ပြာနှင့် တံငါအို (Old Man and the Sea) နှင့် ဂျက်လန်ဒန်၏ သံဖနောင့် (The Iron Heal) ကမ္ဘာ့ စာပေထိပ်တန်းဝင်ဝတ္ထုများ ၏ (Concept) အတွေးများနှင့် ကွာခြားလိမ့်မည်မထင်ပါ ဟု ဖော်ညွှန်းခဲ့လေသည်။
          ဆရာမကြီး ခင်နှင်းယုက- သူတကာတွေ ဘ၀ကို သုညက စခဲ့ရသည် ဆိုကြသည်။ ကျွန်မဘ၀ အစက သုညမှာ အနုတ် လက္ခဏာပါ သေး။ ထိုစဉ်မှာ ဟင်ဒါဆင် ပုံပြင်ထဲက အကျည်းတန်သော ဘ၀တူ ဘဲကလေး ကို သဘော ကျသလို ဆရာဇော်ဂျီ၏ ဗေဒါလမ်း ကဗျာထဲမှ ဗေဒါကို သဘော ကျလာသည်။ ဆရာသည် ဗုဒ္ဓ၏ အဆုံးအမ တရားတော်တို့နှင့် ရင်းနှီးရင့်ကျက် ပြီးဖြစ်၍ မြတ်စွာဘုရား၏ ဒုက္ခ သစ္စာကို ရပ်စကား ရွာစကား နားလည်လွယ်သော ကဗျာ စကားဖြင့် တစ်ဆင့်လက် ဆင့်ကမ်းခဲ့သည်။ ဗေဒါလမ်း ကဗျာထဲ မှ ပန်းပန်လျက်ပဲကို ကျွန်မ အကြိုက်ဆုံး ဖြစ်သည်။ xxx ဆရာ့ကဗျာထဲမှာ ဘ၀၏ ဆင်းရဲခြင်း အမှန်တရား ဒုက္ခသစ္စာကို ကျွန်မ ရှာဖွေ တွေ့ရှိခဲ့သည်။ ပြီးတော့လည်း ဘ၀ဒုက္ခ ဆိုသည်မှာ တစ်ခါတည်း တစ်ကြိမ်တည်း တွေ့ရသည် မဟုတ်၊ ဆရာ့ ဗေဒါလို လှိုင်းကပုတ်လိုက်၊ မြုပ်လိုက်ပေါ်လိုက်၊ ပေါ်လို့များ နားရမလား ထင်ဆဲ မနားရခင် အုန်းလက်က ၀င်ဆောင့်၊ အုန်းလက်လက်က လွတ်တော့ ဘဲအုပ်နှင့် ရင်ဆိုင်ရသော ဘ၀ အထွေထွေ စစ်မျက်နှာ ပေါင်းစုံကို ဖော်ပြထားပါသည်။ ဆရာသည် ဘ၀၏ ဆင်းရဲ အမှန်တရား ဒုက္ခသစ္စာကို ဖော်ထုတ်လိုက်သော အခါ “ဗေဒါရယ် ငါနဲ့ တူလိုက်တာ”ဟူ၍ ခံစား မိလိုက်သည်။
                တစ်ဖန် ဆင်းရဲကို ရင်ဆိုင်နည်းကို ဖော်ပြရာ၌ ဆရာက “ဗေဒါပျံ အံကိုခဲ ပန်းပန်လျက်ပဲ“ ဟူသော အားမာန်နှင့် ဇွဲသတ္တိကို စာဖတ်သူ နှလုံးသားကိုပေး ပို့၍ ရင်ဆိုင်ခိုင်းသည်။ ကျွန်မအတွက် ဗေဒါသည် “စံ” ဖြစ်လာသည်။ ထိုအခါ ကျွန်မသည် စိတ်ဓာတ် ချောက်ချား၍ ကစဥ့်ကရဲ တုန်လှုပ်သော စိတ်ကိုထိန်း ချုပ်လာနိုင်သည်။ xxx ကျွန်မ ကလောင်ကိုင်၍ စာပေနယ်ထဲ ၀င်ရောက်လာနိုင်တော့ ကျွန်မလို ဘ၀ ဒုက္ခတွေထဲမှာ တ၀ဲလည်လည် ကြုံတွေ့ ရသူတို့ အတွက် ပန်းပန် လျက်ပါ ၀တ္ထုကို ရေးခဲ့ပါသည်။ ဆရာ့ ၀ိညာဉ်သည် ဆရာ့ကဗျာမှ ကျွန်မ နှလုံးသားကိုပူးဝင်၍ ကျွန်မ ဒီဝတ္ထုကို ရေးသားနိုင်ခဲ့သည် ဟု လည်းကောင်း ဖော်ညွှန်းဖွင့် ဆိုခဲ့ကြသည်။
  ဒါရိုက်တာ ချစ်ခင်သည် မာလာဦး ရုပ်ရှင်မှ ပန်းပန်လျက်ပါ ကို ရုပ်ရှင် အသွင် ပြောင်းလဲခဲ့သည်။ ကောလိပ်ဂျင်နေ၀င်း (ကိုစောထွန်း)၊ မြတ်လေး(ကို ကျော်စိန်)၊ ကြည်ကြည်ဌေး(မဗေဒါ) နှင့် ဘေဘီနွဲ့(ခင်မမ) တို့ကို အဓိက ဇာတ်ကောင်အဖြစ် ထား၍ အေ၀မ်းဦး ဘရှင်၊ ကျော်ဖေ၊ ဦးချန်ထွန်း၊ အဝေရာကြည်၊ ကြယ်နီ၊ မြင့်ဖေ၊ ဂျော်လီဆွေ၊ ဒေါ်စိန်ခင် စသူတို့အား ၀န်းရံ ပါဝင်စေ ခဲ့သည်။ မန္တလေးမြို့နှင့် မန္တလေး ၀န်းကျင်ကို နောက်ခံထား၍ မန္တလေး ရုပ်ရှင်စတူ ဒီယိုနှင့် စက်ဖြင့် ရိုက်ကူးခဲ့သည်။ ဂီတမှူးအဖြစ် စန္ဒရားချစ်ဆွေကို တာဝန် ပေးခဲ့ပြီး ဆရာ ဇော်ဂျီ၏ ပန်းပန်လျက်ပဲ ကဗျာကိုလည်း ဇာတ်ဝင်သီချင်း အဖြစ် ဖန်တီးစေခဲ့သည်။ ဒါရိုက်တာ ချစ်ခင်သည် မဗေဒါအဖြစ် အရွယ်ရ နေပြီဖြစ်သော ကြည်ကြည်ဌေးကို ရွေးချယ် သရုပ်ဆောင် စေပြီး ပန်းပန်လျက်ပဲ နှင့် ချစ်၍ရွာသော မိုးဇာတ်ဝင် သီချင်းများကို ကိုယ်တိုင် သီဆိုစေခဲ့သည်။
                 ဆရာမခင်နှင်းယု၏ ၀တ္ထုတွင် ကိုစောထွန်းနှင့် မဗေဒါတို့ ဝေးကွာ သွားကြသော်လည်း ဒါရိုက်တာ ချစ်ခင်၏ ရုပ်ရှင်တွင် ပညာတတ်တို့၏ တွေဝေတတ်သည့် သဘာဝကို ထိမိစွာ ဖော်ကျူးရင်း အထက်လွှာ ဘ၀၏ အားနည်းချက် များကို မနှစ်မြို့တော့၍ စွန့်ခွာ လာသူ ကိုစောထွန်းနှင့် မဗေဒါကို ပြန်လည် ပေါင်းစည်း ပေးခဲ့သည်။ ၁၉၆၃ ခုနှစ်တွင် ပန်းပန်လျက်ပါကို ရုံတင်ခဲ့ရာ ဆရာဇော်ဂျီ၏ ကဗျာနှင့် ဆရာမကြီး ခင်နှင်းယု၏ ၀တ္ထုတို့ အတိုင်း ရည်ရွယ်ချက်နှင့် ဒဿနကို မိမိရရ ဖော်ဆောင်နိုင်စွမ်း ရှိခဲ့ပြီး ဓာတ်ပုံ၊ အသံ၊ တည်းဖြတ်မှု၊ တင်ပြမှု၊ နောက်ခံ တေးဂီတနှင့် သရုပ်ဆောင် အမူအရာ စသည့် ရုပ်ရှင်၏ အင်္ဂါရပ်များ ပြည့်စုံ ကောင်းမွန်ခဲ့သည်။
            ၁၉၆၃ ခုနှစ်တွင် မြန်မာ့ ရုပ်ရှင် ထူးချွန်ဆု ချီးမြှင့်မှု မပြုဖြစ်ခဲ့၍ ထိုစဉ်က ချီးမြှင့်သည့် ရုပ်ရှင်ထူးချွန်ဆု အမျိုးမျိုးကို လက်လွှတ်ခဲ့ရသည်။ ၁၉၉၁ ခုနှစ်တွင် ပန်းပန်လျက်ပါ အမည်ဖြင့်ပင် ဒါရိုက်တာကြီးမြင့်က ကျော်သူ၊ ဇော်ဦး၊ မို့မို့မြင့်အောင်၊ ခင်နုနု တို့ဖြင့် ရုပ်ရှင်ကားအဖြစ်လည်း ကောင်း၊ ဒါရိုက်တာ ဦးခင်ဇော်က ကျော်သူ၊ လွှမ်းမိုး၊ ချစ်ချစ်ဇော်၊ ခင်နုနု တို့ဖြင့် ဗီဒီယိုကားအဖြစ်လည်းကောင်း ထပ်မံရိုက်ကူးပြီး အောင်မြင်မှု ရယူခဲ့ကြသည်။
            ဆရာဇော်ဂျီ၏စေတနာအရ ပန်းပန်လျက်ပဲ ကဗျာမှပေးသည့် ဒဿနနှင့် ရည်ရွယ်ချက်သည် ကဗျာ၊ ၀တ္ထု၊ ရုပ်ရှင်၊ တေးသီချင်း၊ ဗီဒီယိုနှင့် ရုပ်မြင် သံကြားတို့မှတစ်ဆင့် ပြည်သူတို့ကြားသို့ ကြီးမားကျယ်ပြန့်စွာ ပျံ့နှံ့သွားခဲ့သည်။

ဆရာဇော်ဂျီ ကဗျာများ

သည်အရေး
ပြဒါးရှင်
ပေးချင်ငဲ့ ခုအရေး။
ဇော်ဂျီမောင် ငါမစစ်လို့
စိတ်ညစ်တယ်လေး။
                                 (ဇော်ဂျီ-၁၉၃၆)

သတိ
ရုပ်သေးစင်ပေါ်
ဇော်ဂျီနှင့် တောင်ဝှေး။
အခုန်အပျံနှင့်
သူ့ဟန်ကို သည်ဖေကြည့်
မောမိတယ်လေး။
ရှိန်းဆာယာ ပိုမောက်
ကိုယ်ပျောက်သည့်တန်ခိုး။
ရှိန်းဆာယာ သည်ဖေကြောက်
စိတ်ပျောက်မှာ စိုး။
                               (ဇော်ဂျီ- ၁၉၈၄)

စမ်းကြည့်စရာပဲ
ရှိန်းဆာရာ ပိုမောက်
ကိုယ်ပျောက်၍ စိတ်ဖောက်လျှင်
ဆာယာရှင် ထင်ရာစိုင်း
ရိုင်းပျအစဉ်။
လောကနှင့် မာနယှဉ်
ဗိုလ်ကျချင် အမြဲ
အနိစ္စာ ထိုအသိ
သတိခံခိုင်သလောက်နှင့်
ပျောက်စိတ်ကိုရှာလျှင် မိပါလိမ့်
စမ်းကြည့်စရာပဲ။
ဲ                                 (ဇော်ဂျီ- ၁၉၈၅)

 ပန်းပန်လျက်ပဲ

ညိုပြာပြာ လတာပြင့် ခြေရင်း
လှိုင်းတက်ရာ ဗေဒါတက်
လှိုင်းသက်ရာဆင်း။
        ဆင်းရလည်း မသက်သာ
        အုန်းလက်ကြွေ ရေပေါလော
        မျောစုန်လို့လာ။
အဆင်းနဲ့အလာ ဗေဒါမ-အထွေး
အုန်းလက်ကြွေ သူ့နံဘေး
ဆောင့်ခဲ့ရသေး။
       ဆောင့်ခဲ့လည်း မသက်သာ
       နောက်တစ်ချီ ဒီတစ်လုံးက
       ဖုံးလိုက်ပြန်ပါ။
မြုပ်လေပေါ့ပေါ်မလာ မဗေဒါ-အလှ
တစ်လံကွာ လှိုင်းအကြွ
ပေါ်လိုက်ပြန်ရ။
       ပေါ်ပြန်လည်း မသက်သာ
       ချောင်းအဆွယ် မြောင်းငယ်ထဲက
       ဘဲထွက်လို့လာ။
ဘဲအုပ်မှာ တစ်ရာနှစ်ရာ
မဗေဒါက တစ်ပင်ထဲ(တည်း)။
       အယက်အကန်ခံလို့
       ဗေဒါပျံ အံကိုခဲ
       ပန်းပန်လျက်ပဲ။

                        ( ဇော်ဂျီ)

ဗေဒါလမ်း အမှတ်စဉ် ၆

မြစ်တန်းမှာတဲ့လေကြမ်းစဉ်
ထန်လိုက်လေ လေမုန်တိုင်း၊
လှိုင်းကဘောင်ဘင်
တစ် လှိုင်းထွက်တစ်လှိုင်းဝင်၊
ဗေဒါခင်ဖြစ်နဲ
စိုးရွံ့မှာပဲ။

မြစ်ရိုးမှာတဲ့မိုးသက်ဆင်
လျှပ်ကြိုးပျံမိုးသံထစ်၊မိုးစစ်ဘုရင်
မိုးညစ်လို့မြစ်မမြင်၊ဗေဒါခင်ဖြစ်နဲ
ရေလှိုင်းဗလပွနဲ့
မိုးသက်လေရေတစ်ရိုးမှာ စိုးရွံ့မှာပဲ။

စိုးမရွံ့တွန့်မတုန်
မိုးနှင့်လေ ရေရှုပ်ထွေး။ရွေးမှမဖြုံ
ဆန်လိုက်ပြန်တုံစုန်လိုက်ပြန်ရ
ခေါက်ပေါင်းမရေနိုင်လို့
ဗေဒါခိုင်သည်မြစ်ထဲရဲခဲ့သည် ပါ။

                                           (ဇော်ဂျီ)